Хөрмәтле Зилә Рамазановна! Сезне юбилегыз  белән тәбриклибез!

Ярты гасыр күп тә сыман, юк та сыман. Сезнең  гомердә дә авыр көннәр аз булмады. Сынмадыгыз, сыгылмадыгыз, югалмадыгыз. Менә дигән Ана булдыгыз. Карлыгачтан көнне, сандугачтан тәнне сорамыйча эшләгәнсез, түзгәнсез, дәшмәгәнсез, ялгыз агач сыман сынмагансыз. Ходай сезнең барлык изге теләкләрегезгә, ниятләрегезгә дога кылып, амин, дисен. Яшәү дәфтәрегезгә озын, тыныч гомер язылсын шушы изге минутларда.

Сабыр да син, гади, кешелекле,

Кылган эшең — бары изгелек.

Шатлыкларда үтсен синең көннәр

Бәхетләрең булсын гомерлек.

Юлларыңда киртә очраса да,

Тирән упкыннарга юлыкма.

Һәрчак сиңа ярдәмгә килерлек

Хезмәттәшләрең барын онытма.