Шагыйрь Г.Тукай яшәгән заманны күзаллап, аның кечкенә Апуштан зур Тукай дәрәҗәсенә күтәрелә алуын, бөеклеккә нинди фаҗигаләр бәрабәренә ирешүен; укучыларда Г. Тукай иҗатына кызыксыну уяту, сөекле шагыйребез Габдулла Тукайның  иҗаты аша татар теленең сафлыгын, бөеклеген укучыларыбызга җиткерү, буыннан-буынга тапшыру максатында мәктәптә “Бердәм Тукай” дәресе үткәрелде. Укучыларга Габдулла Тукайның тормышын чагылдырган презентация күрсәтелде, иҗаты, шигырьләре турында әңгәмә үткәрелде. Тукай турындагы белемнәрен күзаллау максатыннан әдәби викторина үтте. Дәрес соңында укучылар бергәләшеп “Туган тел” җырын җырладылар.

      Башлангыч сыйныф укучылары Г.Тукай әкиятләренә экспозиция ясадылар. Шагыйребезнең биографиясе белән якыннан таныш булулары да  “Дөрес җавапны тап” уенында чагылды.