Мәктәпкәчә яшьтәге балалар табигатебезне аеруча кызыксынучанлык белән күзәтәләр. Аны өйрәнү, сакларга омтылу- балаларның рухи дөньясын баета, уйларга өйрәтә.Шуның өчен безнең бакчабызда тирә-якны өйрәнү, табигатькә сакчыл караш, экологик тәрбия зур урын алып тора.

Балалар атна буена табигать дуслары кагыйдәләре белән таныштылар, кошлар тавышы яздырылган аудиоязмалар, төрле әкиятләр тыңладылар, рәсемнәр ясадылар, чишмә буена экскурсиягә бардылар. Тәрбияче балаларга урманнарны сакларга, агачларны сындырмаска, кош ояларын туздырмаска, елга буйларын пычратмаска кирәген аңлатты.