«Умырзая» балалар бакчасы коллективы кечкенә генә җир участогында ел әйләнәсенә җитәрлек суган, кишер, чөгендер үстерә. Балалар саф һавага чыккач тәрбияче белән бергәләп бакча буйлап сәяхәт итәләр.  Бу сәяхәт яшелчәләрне танып белүне  ныгыту, исемнәрен әйтә белү,  сөйләмдә куллана  белү, тәрбияче әйткән биремнәрне аңлап эшли белү,  сүзлек байлыгын арттыру, игътибарлылыкны, фикерләү дәрәҗәсен, хәтерне үстерү, хезмәт тәрбиясе бирү өчен бик нык ярдәм итә.