Бакчабызда "Кошларга җимлек" конкурсы игълан ителгәч, балалар өйдә әти-әниләре белән җимлекләр ясап килделәр. Бу эшне шулай ук тәрбияче Әлфинә апалары белән шөгыльләрдән буш вакытта бакчабызда дәвам иттеләр. Бу җимлекләр бакчабыз территориясендә үсүче агачларга эленде,  кошлар өчен ашханә оештыру балаларга бик ошады. Саф һавага чыккач балалар кошларны даими тукландырып торалар һәм бергәләшеп аларның ашаганнарын күзәтергә яраталар.