Бүген Чирмешән лицеенда татар теле һәм әдәбияты укытучыларының регионара семинар-киңәшмәсе узды. Семинарда Самара өлкәсе Камышлы районы һәм Чирмешән районы мәктәпләреннән килгән укытучылар катнашты. Кунаклар лицейда милли белем һәм тәрбия бирүнең ничек оештырылуы, уку һәм эшчәнлек алып бару өчен тудырылган заманча шартлар белән танышты; ачык дәресләр, мастер-класслар карады; түгәрәк өстәл артында үзләренең эш тәҗрибәсен уртаклашып фикер алыштылар; укучылар әзерләгән “Әбием сандыгы” фольклор композициясен, М.Әмирнең “Миңлекамал” әсәреннән сәхнәләштерелгән өзекне карады, җырчы кызларыбыз чыгышын тыңлады.
Семинар бик эчтәлекле оештырылып, эшлекле шартларда һәм югары дәрәҗәдә узды. Килгән коллегаларыбызга ихлас мактау, соклану сүзләре белән күңелләребезне җылытып, эшкә дәртләндереп китүләре өчен рәхмәт.