12 ноябрь көнне Чирмешән лицееның 8 нче в сыйныф укучылары, әниләре белән бергә, класс җитәкчеләре Яруллина А. А. һәм татар теле-әдәбияты укытучысы Котбиева М.В. җитәкчелегендә Әлмәт драма театрында "Яшь йөрәкләр” (Ф. Бурнаш) спектаклен карап кайтты. "Яшь йөрәкләр" – үткен һәм халыкчан юмор, романтик кәеф белән сугарылган комедия. Спектакль хисләр сафлыгын, мөнәсәбәтләр матурлыгын олылаучы мәхәббәт тарихы да, татар халкының милли, рухи хәзинәсе булган фольклор энциклопедиясе дә. Спектакль барсына да бик ошады. Театрдан җылы хисләр, тагы да килү теләге белән кайттык. Әлеге чара Пушкин картасы программасы нигезендә оештырылды.