Бүген, 10 нчы март көнне, Чирмешән лицеенда "Инсафлының теле саф" (туган тел) һәм бию түгәрәкләренә йөрүче 1 а сыйныфы укучылары үзләренең һөнәрләрен күрсәттеләр. Алар туган телдә сәнгатьле итеп шигырьләр сөйләделәр, җырлар җырладылар, "Шалкан" әкиятен сәхнәләштереп күрсәттеләр. Күз явын алып тора торган матур милли киемнәрдә татар халык биюен башкардылар. Әле кечкенә булсалар да, укучылар бик тырышты. Тамашачылар, 2-4 сыйныф укучылары, гөрләтеп кул чаптылар. Бәйрәмне укытучылар Мөхәммәтшина Г. М. һәм Гыйнванова Д. Г. әзерләде.