Мәктәбебездә  берьюлы 2 юбилей- Татарстанның  Халык шагыйре  Ренат Харисның 70 яшьлек хәм Ренат Харис исемендәге картиналар галереясе оештырылуга 10 еллык бәйрәмне билгеләп үттек.Очрашу кичәсендә Ренат Мәгъсүмович, Татарстан язучылар берлеге рәисе  Илфак Ибраһимов, шагыйрь Әхмәт Рәшит, Буа  муниципаль районы хакимият  башлыгы  Рафаэль  Хаҗи улы Әбүзәров һәм башка кунаклар катнашты.Укучыларыбыз белән Ренат абыйның мәктәп елларын сәхнәләштереп күрсәттек, 7 сыйныф кызлары Назгөл һәм Ләйлә кабинеттагы галерея буенча экскурсия уздырдылар, мәктәп сандугачы Лимира Шәкурова Р.Харис сүзләренә язылган “Зәңгәр томан”җырын башкарды.Галереядә яңартылган стендлар да, күргәзмә дә кунакларга бик ошады.Кичә ахырында мөхтәрәм кунаклар култамгалар калдырдылар, бергәләп фотога да төштек.Ренат абый да кичәдә катнашучыларга һәм кабинетка бүләксез калмады,юбилей буклетлары,китапларын тапшырды.