«Милли мультfest» республика балалар кинофестиваленең муниципаль этабы узды. Кинофестиваль сәләтле балаларны һәм талантлы яшьләрне эзләү системасын камилләштерүгә, тамашачылар культурасын тәрбияләүгә һәм анимация, кыска метражлы уен фильмнары һәм компьютер уеннары аша балалар һәм яшүсмерләрнең рухи, интеллектуаль һәм иҗади өлкәсен баетуга ярдәм итү максатыннан оештырылган иде. Татарча анимацион фильмнар номинациясендә Гайнуллова  Алия, Зулхарова Альбина, Хәйбуллова  Гүзәл, Хәйруллина Илсия әзерләгән “Камыр Батыр” әкияте буенча эш I дәрәҗә Дипломга (җитәкчеләр –Мөлекова Г. Ф., Ласкин В. С), Галимов Данисның “Әбием сандыгы” фильмы III дәрәҗә Дипломга (җитәкчеләр –Гыйниятуллина Г. Р., Ибраһимова Д. Ф.) лаек булды. Сәләтле укучыларыбызны уңышлары белән котлыйбыз.