18 нче апрельдә мәктәбебездә “Киләчәге бар милләт без, Шәхесләргә бай милләт без”исемендәге III республикакүләм Ренат Харис укулары үтте. Укуларда Г.Тукай исемендәге Дәүләт премиясе лауреаты, Татарстанның халык шагыйре Ренат Харис, Буа якташлык җәмгыятеннән хөрмәтле кунаклар  И. М. Закиров,  И.Г. Әхмәтҗанов, Н. С. Садыйков, Р. Ш. Зиятдинов Н. В. Шәмиев , ТР Язучылар берлеге рәисе Д. Х. Салихов, филология фәннәре докторы, язучы, галим, тәнкыйтьче Фоат Галимуллин, “Мәдәни җомга” газетасы  журналисты Сөембикә Кашапова, Казан шәһәре Авиатөзелеш районы  М. Җәлил исемендәге 26нчы лицей директоры Н. Р. Төхвәтуллов катнашты.  Р. Харис укуларында төрле  юнәлешләрдә Буа, Апас, Тәтеш, Чүпрәле, Кайбыч районнарыннан, Казан шәһәреннән килгән  укучылар  көч сынашты. Алар Ренат Харис шигырьләрен төрле (татар, рус, инглиз) телләрдә сөйләделәр, шагыйрь иҗаты буенча фәнни –эзләнү эшләре якладылар.Укытучылар өчен оештырылган юнәлештә мөгаллимнәр  үзара тәҗрибә уртаклашты. Төрле секцияләрдә уңышлы чыгыш ясаган  безнең мәктәпнең  11 укучысы Татарстан Республикасы Язучылар берлеге рәисе Д. Салихов  исеменнән төрле дәрәҗәдәге Дипломнарга  лаек булдылар.