26 нчы апрельдә Бердәм методик көн кысаларында  ачык дәресләр, осталык дәресләре үткәрелде. Дәресләрдән соң түгәрәк өстәл артында дәрес бирүче укытучыларның үзанализлары тыңланылды, хезмәттәшләре анализ ясадылар. Түгәрәк өстәлнең икенче бүлегендә “Укытучының һөнәри компетентлыгы” темасына эшлекле уен үткәрелде. 

26 нчы  апрельдә мәктәптә полиция хезмәткәрләре булдылар. Алар 9-11 нче сыйныф укучыларына аларның хокукларын һәм бурычларын аңлаттылар. 

26 нчы  апрельдә мәктәптә нарколог- психиатр Краснова Л.И. һәм Фомина А.Н. булдылар. Алар составында наркотик матдәләр булган әйберләрнең зыяны турында әңгәмә үткәрделәр. 

25 нче апрельдә  мәктәптә татар теле һәм әдәбияты атналыгы кысаларында “Тел күрке- сүз” темасына викторина үткәрелде. Укучылар үзләренең халык авыз иҗаты әсәрләрен оста белүләрен күрсәттеләр. 

25 нче апрельдә  мәктәптә Бөтенсоюз тикшерү эшләрен эшләү дәвам итте. Бу көнне 4 нче сыйныф укучылары математика, 5 нче сыйныф укучылары тарих, ә 11 нче сыйныф укучылары физика фәненнән тикшерү эшләре башкардылар.  

Безнең мәктәп, “Уңышлы мәктәп” Бөтенроссия бәйгесендә катнашып,   җиңеп чыктылар. Котлыйбыз! 

24 нче апрельдә мәктәптә  татар теленнән БРТ үткәрелде. Бу көнне 9 нчы сыйныф укучылары беренче имтиханнарын тоттылар.

22 нче апрельдә мәктәпнең актлар залында  булачак 1 нче сыйныф укучыларының  ата- аналары  белән җыелыш булды. Җыелышта ата- аналарга балаларны мәктәпкә әзерләү буенча киңәшләр бирелде.

21 нче апрельдә мәктәп укучылары танылган балалар шагыйрәсе Йолдыз Шәрәповага багышланган  кичәдә катнаштылар. Алар анда шагыйрәнең шигырьләрен укыдылыр, җырлар җырладылар. 

20 нче апрельдә  Район мәдәният йортында  Ел укытучысы бәйгесендә катнашып уңышка ирешкән укытучыларны котлау тантанасы булды. Безнең мәктәптән  инглиз теле укытучысы Коваленко Ю.Н.- җиңүче, татар теле һәм әдәбияты укытучысы Хәйретдинова Ф.З., башлангыч сыйныфлар укытучысы Гусарова Н.В. призерлар булдылар. Котлыйбыз!