2 нче  февраль көнне   мәктәбебездә  студентлар белән очрашу  кичәсе  булып узды. Очрашуга  төрле уку йортларында белем алучы 7 студент килде.  Кичә 2 өлештән торды. “Яратып эшләгән эш кенә куаныч китерә” дип аталган өлешендә студентлар үзләренең уку йортлары, студент тормышлары, уку йортына керү өчен нинди имтиханнар бирергә кирәклеге белән таныштырдылар. Өлкән сыйныф укучылары үзләрен кызыксындырган сорауларга җаваплар алдылар.

 Мәктәпнең “кичәге” укучылары, үзләре дә студент тормышы белән яшәгән, ә бүген сайлаган һөнәрләрен яратып башкаручы Гыйльманова Р Х, Минебаева Г С  укучыларга һәм студентларга изге теләкләрен, киңәшләрен җиткерделәр, мәктәп тормышындагы хәтирәләре белән уртаклаштылар, яраткан укытучыларын сагынап искә алдылар.  Кичә җыр, бию белән үрелеп барды.

   Бәйрәмнең икенче өлеше “Акыл-тезген, белем-ат, тезгенеңне белеп тарт” дип  исемләнгән иде.  Укучылар һәм студентлар командаларга бүленеп төрле биремнәр үтәделәр.  Кичә бик күңелле узды.