Мәктәп күләмендә бердәм куркынычсызлык дәресе үткәрелде. ТИН укытучысы А Габайдуллин  укучыларга янгын куркынычсызлыгы кагыйдәләрен аңлатты. Әлеге теманы яктырткан видео күрсәтелде. 

11 нче сыйныф укучысы Әбелханова Ландыш прокуратура тарафыннан үткәрелгән иншалар бәйгесендә 1 нче урынны яулап, республикага чыкты. Уңышлар телибез!

20-25 нче апрель көннәрендә татар теле һәм әдәбияты укытучысы З З Сәлимҗанова  Нәби Дәүлинең 105 еллыгына багышланган "Мәрхәмәтле Нәби Дәүли" дип исемләнгән атналык үткәрде. Атналык барышында Н Дәүли әсәрләре буеча Бөек Җиңүнең 70 еллыгына карата рәсемнәр, "Бөек Җиңү көннәре-безнең хәтердә" дип исемләнгән иншалар бәйгеләре, "Мин җирдә калам" дип исемләнгән әдәби-музыкаль кичә, әдәбият елы уңаеннан якташ язучыларыбыз иҗатына күзәтү, Н Дәүли әсәрләре буенча әдәби конференция үткәрелде. Атналыкка йомгак ясап, актив катнашкан укучылар мактау кәгазьләре белән бүләкләнде.  

"Язгы мәрхәмәтле эшләр эстафетасы" акциясенә нәтиҗәләр ясалды. 

"Язгы мәрхәмәтле эшләр эстафетасы" кысаларында һәйкәлләрне  чистарттык.

"Игелекле эшләр көне"  уңаеннан мәктәп яны территориясен чистарттык

Бүген мәктәптә "Мәрхәмәтле сүзләр көне" акциясе  булып узды.  Башлангыч сыйныф укучылары  мәрхәмәтле сүзләрдән  хикәяләр төзеделәр, ә 5-11 сыйныф укучылары  "Ягымлы хат" акциясе уздырдылар.

Районда физикадан  үткәрелгән фәнни-гамәли конференциядә катнашып, 7 нче сыйныф укучылары Төхфәтуллин Риназ һәм Хөснетдинов Илназ "Фонтан" проекты белән 1 нче урынны яуладылар. (Җитәкче-Г И Азизова)