Республикада узучы акция кысаларында  мәктәптә химия атналыгы башланды. Атналык кысаларында химия укытучысы  З. И. Туляков 1-6 нчы сыйныф укучылары белән "Бөтен хикмәт-эшләпәдә" дип исемләнгән тәҗрибәләр кичәсе үткәрде. Тәҗрибәләрдә барлык укучылар да бик теләп, кызыксынып катнаштылар.

Хәрби-патриотик айлык кысаларында 5-9 нчы сыйныфлар  арасында "Ягез әле, егетләр!" бәйгесе үткәрелде.

Туган тел атналыгы кысаларында, 9 нчы сыйныф укучылары үзләренең тел, әдәбият темасына белемнәрен "Башваткыч" уенында сынадылар.  Нәтиҗәдә Гөлназ җиңүче булды. Аңа киләчәктә дә уңышлар телибез!

Район нигезләмәсе нигезендә 15 нче февральдә Буа шәһәренең №1 мәктәбендә "Сыйныф җитәкчесе-2017" бәйгесенең район этабы узды. Безнең мәктәп данын 9 нчы сыйныф җитәкчесе Гайнетдинова Ф М яклады.

Бүген 9 нчы сыйныф укучылары Вахитов исемендәге гимназиядә татар теленнән сынап карау имтиханы тапшырдылар.

Туган тел атналыгы кысаларында, Муса Җәлилнең  туган көне уңаеннан шигырь  сөйләүчәләр бәйгесе үткәрелде. Укучылар М. Җәлил шигырьләрен зур осталык белән башкардылар.

Туган тел атналыгы кысаларында татар теле һәм әдәбияты укытучысы Сәлимҗанова Зөлфия  Заһит кызы  5-6 нчы сыйныф укучылары белән "Тел тормыш чыганагы, белем чишмәсе!" дип исемләнгән интеллектуаль уен - викторина үткәрде. Укучылар викторинада  бик актив катнаштылар.

13-21 февраль көннәре мәктәптә "Туган тел" атналыгы дип игълан ителде. 17 нче февральдә үткәреләчәк "Теле барның -иле бар!" дигән темага иншалар бәйгесенә старт бирелде. Атна дәвамында төрле чаралар планлаштырыла.

Хәрби –патриотик айлык һәм башлангыч сыйныфлар атналыгы кысаларында башлангыч сыйныф укучылары арасында “ Күңелле стартлар” уены үтте .  Ярышта “Лачыннар” командасы белән “Бөркетләр” командасы  көч сынашты.” Бөркетләр”командасы үзләренең оешкан, җитез,оста ,өлгер булуларын күрсәтеп, “ Лачыннар” командасын җиңүгә ирештеләр . ” Күңелле стартлар” дөрестән дә бик күңелле үтте .