Мәгариф Министрлыгы күрсәтмәләре нигезендә атна дәвамында“ Тыюлыклар һәм саклангыч зоналар турында дәрес” оештырылды . Дәреснең кереш өлеше гомуммәктәп линейкасында башланып, сыйныфларда дәвам итте. Аеруча саклау һәм яклауга мохтаҗ үсемлекләр, хайваннар турында сүз алып барылды.Туган як, туган авыл табигатенә сакчыл караш тәрбияләү бурычлары да яктыртылды.

2 нче мартта Черки-Килдураз урта мәктәбендә “Казан университеты профессоры Вахит Хөҗҗәт улы Хаковның фәнни-педагогик мирасы” республикакүләм фәнни-гамәли конференциясендә катнашып, укучыбыз Гөлназ III дәрәҗә диплом белән бүләкләнде.Котлыйбыз!!!

Ватанны саклаучылар көненә багышланган 5-9 нчы сыйныф укучылары катнашында строй һәм җыр смотры үткәрелде.

Хәрби-патриотик тәрбия айлыгының иң югары ноктасы булып традицион "Аҗаган-2017" уены булды.

Барлык ир-егетләрне Ватанны саклаучылар көне белән тәбрик итәбез! Эшегездә, укуыгызда зурдан-зур уңышлар, аяз, тыныч күк йөзе, бәхет-шатлык телибез.

С 20 января по 15 февраля 2017 года проводился муниципальный этап республиканского конкурса «Сохраним природу Татарстана!».  В номинации «Природоохранная акция» (5-11кл.)наш  ученик занял 2 место.Поздравляем!!!

Бүген беренче сыйныфлар өчен зур бәйрәм- " Сау бул,Әлифба"дип исемләнгән Әлифба  бәйрәме үткәрелде.

Укучыларда туган телне, әдәбиятны тирәнтен өйрәнүгә кызыксыну уяту, аларда милли үзаң,  милли горурлык хисләре тәрбияләү, халкыбызның бай, рухи мирасын барлауга ихтыяҗ тудыру максатыннан,   бүген Иске Тинчәле төп гомуми белем бирү мәктәбендә 8 нче сыйныф укучылары белән  “Туган телем-иркә гөлем” дип исемләнгән КВН  кичәсе үткәрелде.  Чарада авыл китапханәсе мөдире З. А.  Минебаева да катнашты. Ул укучыларны Халыкара туган тел көненең тарихы белән таныштырды, КВН барышында укучыларның белемнәрен бәяләде. Бәйгебез зирәк укучыларыбызны билгеләргә ярдәм итте. "Сөембикә оныклары" һәм "Тукай варислары" командалары тигез балл җыйды. Чара татар халкының гимнына әверелгән,   Г. Тукайның "Туган тел" җырын күмәк җырлау белән тәмамланды.

Республикада узучы акция кысаларында  мәктәптә химия атналыгы башланды. Атналык кысаларында химия укытучысы  З. И. Туляков 1-6 нчы сыйныф укучылары белән "Бөтен хикмәт-эшләпәдә" дип исемләнгән тәҗрибәләр кичәсе үткәрде. Тәҗрибәләрдә барлык укучылар да бик теләп, кызыксынып катнаштылар.

Хәрби-патриотик айлык кысаларында 5-9 нчы сыйныфлар  арасында "Ягез әле, егетләр!" бәйгесе үткәрелде.