15 нче октябрь көнне, Буа шәһәре 5 нче  гимназиядә  туган (татар) тел һәм  әдәбияты укытучылары өчен “Заманча туган (татар) тел һәм әдәбияты дәресләренең нәтиҗәлелеген күтәрүдә яңача укыту технологияләре куллану тәҗрибәсе” дигән темага район семинары  уздырылды. Семинарда районыбызның барлык шәһәр һәм авыл мәктәбенең туган (татар) тел һәм әдәбияты  укытучылары катнашты. Семинарның максаты: яңартылган  ФДББС  нигезләнеп, заманча дәресләр бирү һәм дәрестән тыш эшчәнлекне оештыру буенча тәҗрибә уртаклашу. Шушы максаттан чыгып, семинарда катнашучылар игътибарына түбәндәге эш төрләре тәкъдим ителде: 1. 2 а сыйныфында  рус халык әкияте “Күмәч” темасына ачык дәрес; 2. “Йолалар-тәрбиянең нигезе”. Осталык дәресе; 3. “Дәүләт йомгаклау аттестациясенә әзерлек.(82 код)” Практикум -дәрес; 4. “Татар теленнән төп дәүләт имтиханы. Хат язу алымнары”  темасына чыгыш; 5. Дәрестән тыш эшчәнлекнең оештырылуы; 6. Милли мәгариф өлкәсендәге яңалыклар белән танышу.      Семинарда катнашучы татар теле һәм әдәбияты укытучылары  Буа шәһәре  5 нче гимназия укытучыларының педагогик эшчәнлегенә югары бәя бирде. Алар укучыларның бай, сәнгатьле сөйләм теленә, сәхнә культурасына ия булуларына, күпкырлы сәләтләренә сокландылар.