Мулланур Вахитов исемендәге гимназия укучылары һәм укытучылары атна дәвамында игелекле эшләр эшләп йөрүче студентлар турында ишетеп беләләр иде.4 нче март көнне гимназиягә бер төрле форма кигән, көләч йөзле егетләр һәм кызлар килеп керделәр.Килгән кунаклар “Кар десанты” студентлары иде.Аларның бер өлеше республика студентлар отряды штабы комиссары Алия Адиева җитәкчелегендәге Казан югары уку йортлары студентлары булса,калганнары Буа шәһәре ветеринария техникумыннан иде. Өлкән сыйныф укучылары белән актлар залында булган очрашуда кунаклар, вакыт кысан булуга да карамастан, “Кар десанты” отряды эшчәнлеге белән таныштырдылар, укучыларга эшкә урнашуга ярдәм итәрлек киңәшләрен бирделәр, уеннар,җырлар –биюләр белән укучыларның күңелләрен күтәрделәр.Отрядтагы төрле уку йортларыннан булган студентлар үзләре укый торган Вузлары белән таныштырдылар һәм чыгарылыш сыйныф укучыларын үзләренә укырга чакырдылар.Очрашу ахырында “Кар десанты” отрядындагы студентла укучыларның күп санлы сорауларына җавап бирделәр.