2017 нче елның 23-24 нче март көннәрендә педагогларның һөнәри осталыкларын үстерү һәм алдынгы педагогик тәҗрибә белән уртаклашу, туган телләрне саклау, үстерү максатыннан, Мәгариф һәм фән министрыгы тарафыннан башкалабыз Казан шәһәрендә туган тел укытучыларының Бөтенроссия мастер-класс бәйгесе уздырылды. Анда республика һәм Россия төбәкләреннән килгән 56 укытучы катнашты. Шулар арасында Буа шәһәреннән муниципаль турда җиңү яулаган 5 нче гимназиянең татар теле һәм әдәбияты укытучысы Закирова Гүзәл Фәрит кызы да бар иде.  Беренче турда ул бәйгедә катнашучы укытучылар белән “Тел бизәге” дигән темага мастер-класс күрсәтеп, үзенең тәҗрибәсе белән уртаклашты. Ә икенче турда халкыбызның милли киемнәреннән чыгыш ясап, үзенең татар теле мөгаллиме булуын тагын бер кат раслады. Бәйгедә катнашканы өчен, Закирова Г.Ф. Татарстан Республикасы Мәгариф һәм фән министрлыгының дипломы белән бүләкләнде. Аны чын күңелдән котлыйбыз һәм киләчәктә уңышлар телибез.