Башкалабыз Казан шәһәрендә берничә көн дәвамында Татарстан Республикасының халык шагыйре Разил Вәлиевның 70 яшьлек юбилеена багышланган XII Республикакүләм “Дулкыннар” бәйгесе узды. Аның  сайлап алу турында район мәктәпләреннән 24 укучы катнашты. Алар 15 нче март көнне Казан шәһәренең Халыклар дуслыгы йортында төрле номинацияләрдә үзләренең сәләтләрен күрсәттеләр һәм “Идел” яшьләр үзәгенең сертификатлары белән бүләкләнделәр.  Бәйгенең гала-концерты 17 нче март көнне шул ук бинада узды. Анда Буа шәһәре 2 нче лицейның 2 нче сыйныф укучысы (җитәкчесе – татар теле һәм әдәбияты укытучысы Газизова Г.Р.) Вәлиев Камил катнашты. Ул Р.Вәлиев сүзләренә язылган “Чаба поезд, чаба” җырын башкарып, “Вокал” номинациясендә 2 нче урынны яулады һәм лауреат булды. Камилне чын күңелдән котлыйбыз һәм киләчәктә дә уңышлар телибез.