Үткән атнада шәһәрнең 2 нче номерлы лицеенда “Милли белем бирү системасында укытучының һөнәри һәм шәхси үсеше белән идарә итү” дигән темага  татар теле һәм әдәбияты укытучылары өчен Бердәм методик көн үткәрелде. Анда мәгариф идарәсе методистлары Гайнуллина Л.Ф., Хөснетдинова А.Ф., районның татар теле һәм әдәбияты укытучылары катнашты.

Методик көннең төп максаты - туган тел укытучыларының һөнәри компетентлыгын үстерү. Шул уңайдан, 2 нче лицей укытучылары тарафыннан ФДББС на нигезләнгән ачык дәресләр күрсәтелде.  “Learningapps.org сервисы ярдәмендә электрон белем бирү ресурслары булдыру” дигән темага үткәрелгән мастер-класслар вакытында укытучылар Халыкара сервиска кереп, татар теле һәм әдәбиятыннан яңа формада биремнәр булдыру, аларны башкару өстендә үзләрен сынап карадылар. Бердәм методик көндә һәр укытучы да эшендә куллана алырлык зур тәҗрибә туплады.