2016 нчы елның 24 нче ноябрендә Янтуган урта мәктәбендә “Татар мәктәбе шартларында укучыларга сыйфатлы белем бирү” дигән тема астында татар теле һәм әдәбияты укытучыларының район семинары үтте.

      Анда мәгариф идарәсе методисты Хөснетдинова А.Ф, татар мәктәпләрендә белем бирүче укытучылар катнашты. Семинарның беренче өлешендә мәктәпнең татар теле һәм әдәбияты укытучылары Даутова Р.М., Фахрутдинова Л.К. тарафыннан ФДБС на нигезләнгән  дәресләр,  Әниләр көненә багышланган әдәби-музыкаль кичә күрсәтелде. Икенче өлешендә мәгариф идарәсе методисты Хөснетдинова А.Ф. юл картасына күзәтү ясап, андагы чараларның үтәлеше белән таныштырды. Түгәрәк өстәл артында педагоглар татар мәктәпләрендә укытуның проблемалары хакында фикер алыштылар, сыйфатлы белем бирүнең юнәлешләрен билгеләделәр.