10 нче ноябрь көнне шәһәрнең М.М.Вахитов исемендәге гимназиясендә “Татар теле предметы буенча укучыларны БРТ, ТДИ (ОГЭ)  һәм БРИ на әзерләү” дигән темага татар теле һәм әдәбияты укытучыларының өйрәтү характерындагы район семинары үтте. Анда мәгариф идарәсе методистлары Гайнуллина Л.Ф., Хөснетдинова А.Ф. катнашты. Семинарның беренче өлешендә Хөснетдинова А.Ф. укытучыларны мәгариф өлкәсендәге яңалыклар, олимпиадаларны үткәрү тәртибе белән таныштырды. Икенче өлешендә укытучылар үзләренең юнәлешләре буенча (21,22,23,24 нче кодлар) кабинетларда эш алып бардылар. Бердәм республика тестын һәм имтиханнарны үткәрү критериеләре буенча укучыларның эшләрен тикшерделәр, КИМнарга күзәтү ясадылар. Семинардан һәр укытучы да үзенә файдалы мәгълүмат алды.