14 сентябрьдә Бөтендөнья пациентларның иминлеге көненә багышланган чаралар чикләрендә махсус дисциплиналар укытучысы Низамова М.Х. җитәкчелегендә волонтерлар - медиклар тарафыннан Буа картлар һәм инвалидлар өчен интернат-йорты,Буа үзәк хастаханәсенең пациентлары, табиблары һәм урта медицина персоналы арасында, шулай ук Буа шәһәренең Яшьләр паркында мәгълүмати материаллар таратылды. Буклетлар тарату барышында волонтерлар пациентлар иминлегенең актуаль мәсьәләләре буенча әңгәмәләр үткәрделәр, шулай ук пациентларга интерактив тавыш бирү (сораштыру) турында мәгълүмат бирделәр. Медицина хезмәткәрләренә сәламәтлек саклау өлкәсендә куркынычсызлык буенча Бөтенроссия олимпиадасында катнашырга тәкъдим ителде.