Г.Тукайның тууына 140 ел! 
2026 елның 26 апрелендә бөек татар шагыйре, әдәби тәнкыйтьче һәм публицист Габдулла Тукайның (1886-1913)  тууына 140 ел тула.

Юбилей елына әзерлек уңаеннан Яңа Чәчкап мәктәбендә киңкырлы эш алып барыла.

Яшь буынга рухи-әхлакый тәрбия  бирүдә әдипнең тормыш юлын өйрәнүне һәм иҗатын пропагандалау максатыннан мәктәбебездә төрле әдәби кичәләр, шигырь бәйрәмнәре, иҗади бәйгеләр үткәрелә. Без Тукайның яшендәй яшьнәп үткән кыска гомер юлы, ул калдырган иҗади мирас, аның яшәү үрнәген күз алдыннан уздырып сокланабыз һәм Бөек Тукаебыз алдында баш иябез. Бөтен уй-гамәлләребез белән Тукай рухына лаек булырга тырышабыз. Бу катлаулы чорда аның шигырьләре күңелләрдә дәрт уята, шифа өсти, аклыкка-сафлыкка, тугрылыкка өнди, хезмәткә көч бирә. Тукаебызны зур горурлык хисләре белән искә алабыз.Тукай рухы күңелләребездә мәңге яшәр!

21 апреля 2026 года прошли всероссийские учения по отработке сценария «Действия работников, обучающихся при совершении террористических актов, в том числе с применением БПЛА». 
Цель мероприятия — на практике проверить готовность образовательных учреждений к быстрой и безопасной реакции: оповещение, эвакуацию и взаимодействие с экстренными службами. Педагоги, обучающиеся и сотрудники — продемонстрировали дисциплину, спокойствие и взаимную поддержку. #антитеррор #учения #ВУ

Без ӘКИЯТ яратабыз!
Балаларны нәрсә белән генә кызыксындырсаң да, балалар өчен иң яратканы әкият. Балалар әкиятне тыңларга да, уйнарга да яраталар."Әкият сандыгы" курчак театры түгәрәгенә йөрүче укучылар - нәкъ шундый балалар. Алар үзләре курчаклар ясыйлар һәм шуларны "җанландырып", әкиятләр куялар. Алар нәниләргә күчтәнәч итеп, татар телендә рус халыкының "Түгәрәк күмәч" әкиятен сәхнәләштерделәр. Җитәкчеләре татар теле һәм әдәбият укытучысы Солтанова А. М.

Бүген Буа муниципаль районы Яңа Чәчкап төп гомуми белем мәктәбендә Әхмәт Рәшит исемендәге “Кояшлы ил” X республикакүләм фәнни-гамәли конференция үтте. Әлеге конференция безнең горурлыгыбыз булган, шагыйрь, журналист, ТАССРның атказанган сәнгать эшлеклесе, Язучылар Союзы әгъзасы, авыл хуҗалыгын мәдәни яктан үстерү отличнигы, унике поэма һәм меңнән артык шигырь авторы, Гаяз Исхакый исемендәге дәүләт бүләге лауреаты – Әхмәт ага Рәшит истәлегенә багышланды.
Конференциядә республиканың төрле районнарыннан килгән педагоглар һәм укучылар актив катнашты. Конференция барышында укучылар үзләренең иң яхшы тикшеренү эшләрен тәкъдим иттеләр.
Конференция ел саен Татарстан Республикасы язучылар союзы һәм район мәгариф бүлеге белән берлектә уза. Бәйрәмгә шагыйрьләрдән- Йолдыз Шәрәпова, Ленар Шәех, Рифат Сәлах, Рәсимә Гарифуллина, Вәзыйх Фатыйхов, Галия Гайнетдинова, Миләүшә Гильфан, ТР Дәүләт Советы тәрҗемәчесе - Гөлназ Исмәгыйлева, " Гасырлар авазы" журналының баш мөхәрире - Кадыйров Рамил, "Болгар" радиосы алып баручысы- Фаил Гыймадов, авыл хуҗалыгы фәннәре докторы, профессор - Газимҗан Шарафутдиновлар кайткан иде. Конференциядә 120 дән артык фәнни- гамәли эш, шигырь, хикәя каралды. Укучыларның күбесе мактау кәгазьләренә ия булдылар.
Жюри әгъзалары билгеләп үткәнчә, тәкъдим ителгән эшләр югары дәрәҗәдә башкарылган . Габдулла Тукай, Муса Җәлил, Әхмәт Рәшитнең рухи мирасларын өйрәнү, саклау, барлау бүгенге көндә дә дәвам итә.
Конференция бик эчтәлекле, үзенчәлекле, фәнни яктан төгәл , камил итеп оештырылды. Жылы татар милли мохитын тудырып, шушы мохитта укучыларыбызның эшләрен тыңлап, гадел бәяләп утырган язучыларга, укытучыларга олы рәхмәтебезне белдерәбез.

Сез барында ямь бар җирдә,
Сез булганда тәм дә бар.
Сез булганга дәрт бар җанда,
Көч-куәт тә тәндә бар.
 
Сез булганга иҗат та бар,
Сез булганга бар сәләт.
Бу сүзләрне әйтергә
Нәкъ сез булдыгыз сәбәп.
 
Әни дә сез, апа да сез,
Һәм сөйкемле сеңел сез.
Сез булганга дөнья нурлы
Чытык йөзле түгелсез.
 
Сездә кешелек язмышы
Сездә олуг өметләр
Шундый теләкләрдә кала
Җирдә һәммә егетләр!