1906нчы елдан башлап дөньякүләмендә Халыкара кошлар көне үткәрелә. 1906 нчы елның 1нче апрелендә кошларны саклау буенчаХалыкара конвенциягә кул куела, ә Россия моңа 1927 нче елда кушыла. Шулай итеп, безнең илдә 1927 нче елның 1нче апреленннән башлап кошлар көнен үткәрү традициягә кергән.

Без дә Карлы төп гомуми белем мәктәбендә 7 нче апрель көнне кошлар көненә багышланган линейка уздырдык. Бу чарада җиденче сыйныф укучылары катнашты.

     Линейка кошлар турында сөйләүдән башла нды. Бездә кышлаучы һәм җылы якка китүче кошлар турында сөйләштек. Җылы яктан кайтучы кошларның кайсысы, кайчан кайтулары турында әйтелде. Сөйләшү вакытында кошлар турын - да сораулар бирелде һәм табышмаклар әйтелде.       

Тагын язлар җитте. Табигать туган якларын сагынып кайткан канатлы дус-ларыбыз җырына күмелә. . Алар биредә үзләрен шатланып каршы алучы дусларының күп булуын күреп сөенсеннәр иде Канатлы дусларыбыз өчен ояларны күбрәк ясыйк. Һәркайсыбыз берәр оя ясаса да, кошларга нинди зур сөенеч булыр иде. "Өй салу кош оясы ясаудан башлана" ди халык. Табигать сакчылары булган канатлы дусларыбызны һәрвакыт сакларга кирәк.