Һәр ел саен татар теле һәм әдәбияты фәне буенча район бәйгеләре булып тора. Бу чарадан безнең лицей-интернат  та читтә калмаска тырыша. Бәйгегә әзерлекне без сентябрь аеннан ук башлыйбыз. Беренче эш итеп тәүге тапкыр баручы 9 нчы сыйныфның көчле балалары арасыннан иң сәләтлеләрен сайлап  алабыз. Беркайчан да бер генә укучы белән чикләнмибез. Бу балалар белән әзерлек эшен берничә укытучы алып бара. Район бәйгесе җитәр алдыннан мәктәп турында җиңгән укучы һәр укытучы каршында, тел белеменең төрле тармаклары буенча, үзенә күрә бер сынау үтә. Бу сынауны үтеп чыккан укучыны гына район бәйгесенә җибәрәбез. Шушындый зур әзерлек үткән бала, әлбәттә, җиңүгә ирешә. Шуңа күрә менә инде дүртенче ел рәттән районыбыздагы алдынгы урыннар безнең лицей-интернатта. Бәйге тәмамланса да әзерлек эшен туктатмыйбыз, ул уку елы ахырына кадәр дәвам итә.