26 нчы апрель. Бүген бөек шагыйребез Габдулла Тукайның тууына 136 ел. Әгәр дөньяда бик аз яшәп тә, үзеннән соң тирән эз калдырып киткән язучылар турында сүз бара икән, аның берсе, һичшиксез, Габдулла Тукай. Аның шигырьләрен яттан белмәгән, моңлы җырларын җырламаган, тылсымлы әкиятләрен тыңламаган бала юктыр. Шагыйрьнең гомере бик кыска булса да, иҗат иткән әсәрләре - мәңгелек! Ул һәрвакыт безнең йөрәкләрдә яши. Лицей-интернат укучылары да бу көндә уздырыла торган чаралардан читтә калмады. Дәресләр Илһам Шакиров башкаруында  Габдулла Тукайның “Туган теле”җыры белән  башланып китте. Актлар залы гөрләп торды. Сөекле шагыйребезгә багышланган чара җылы атмосферада узды һәм барлык укучыларга яхшы кәеф бүләк итте. Һәр сыйныф узенең шагыйребезгә багышланган презентациясен hәм чарасын күрсәтте.
Бөек шагыйребез Габдулла Тукайның туган көнендә район администрациясе һәм  үзәк китапханәсе оештырган, яңа мәдәният йорты янындагы Яшьләр паркында, Габдулла Тукайның туган көненә багышланган "Тукай - шигъри такия"дип исемләнгән бәйрәм чарасы узды. Бу чарада лицей-интернатның иң оста шигырь сөләүче укучылар грамоталар һәм бүләкләр алдылар.