18 нче март көнне “Сәләтле балалар өчен лицей-интернат” мәктэбендә  татар теле һәм әдәбияты укытучыларының “Рус телендә белем бирү мәктәпләренең татар төркемнәрендә татар теле һәм әдәбияты укытуда яңа инновацион алымнар куллану” темасына онлайн форматта семинар узды.
Семинар музыкаль номерлар белән башланып китте, музей эшчэнлеге белән таныштырдылар. "Туган ягым табигате" дигән темага рәсемнәр күргәзмәсе оештырылды. Мәктәптә театр түгәрәге эшлэп килә, онлайн форматта 4 нче сыйныф укучыларының "Өч  кыз" әкиятен сәхнәләштерүләрен күрсәттеләр. Аннан соң видео форматта дәресләр,мастер класслар  каралды, укытучыларның эш тәҗрибәләре буенча чыгышлар тыңланды. Соныннан "Сүзлекләр -татар халкының хәзинәсе" дигән темага мәктәбебезнең китапханәчесе әзерләгән видео белән таныштылар. Ахырдан барлык эшләргэ нәтиҗә ясап, каралган дәресләргә анализлар ясалды,һәркем үзенең уй-фикере белэн бүлеште. Семинар бик файдалы һәм эчтәлекле булды.