Туган телебезне балаларыбызга өйрәтү, аңа карата мәхәббәт тәрбияләү туган тел укытучыларыннан зур осталык, түземлелек сорый. Безнең бурыч: балаларда милли үзаң, горурлык хисләре булдыру һәм, иң мөһиме - әхлаклы шәхес тәрбияләү. Без балалар өчен укытучы гына түгел, без - киңәшче дә, ярдәмче дә. Туган тел - милли яшәешнең төп шарты. Тел язмышы милләт язмышы белән тыгыз бәйләнгән. Без Татарстан җирендә яшибез икән, аның һавасын сулыйбыз икән, димәк, без дә үз телебезне яхшы белергә тиеш. Балаларыбызны милли традицияләр, бәйрәмнәр, бөек кешеләр белән таныштыру максатыннан ел саен апрель аенда Туган тел атналыгы уздырыла. Бу чара балаларда туган телебезгә мәхәббәт тәрбияләүдә әйтеп бетергесез зур роль уйный. Менә бүген 15 апрель көнне 1 сыйныфлар өчен “Барлык татар балалары ярата сине Г.Тукай!” дигән чара уздырылды. Нәниләребез Г.Тукай әсәрләре буенча төшерелгән мультфильмнар карадылар, шигырьләр сөйләделәр