Татарстан Республикасының мәгариф һәм фән министрлыгы, яшьләр эшләре һәм спорт министрлыгы, Татарстан Республикасының Фәннәр Академиясе һәм Сәләт фонды III Төбәкара «Болгар-Туган тел» форумы булып үтте. Сменаның катнашучылары булып Рәсәйнең 10 төбәгеннән килүче 600 сәләтле бала тора, шулар арасында Буа шәһәре лицей-интернат укучылары да катнашты:

Сафарова Нәфисә, 10 кл

Хасянзянова Алсу,10 кл

Заббарова Диана, 10 кл

Тазиева Эльмира, 10 кл

Мөхитова Ләйсан, 10 кл

Сафиуллина Илүзә, 10 кл

Баһаутдинов Фаиль, 7 кл

Сафиуллин Ранис, 5 кл

Бурганова Эльвина,10 кл

Мингалиева Аида, 10 кл

Габайдуллина Алина, 10 кл

Гильмутдинова Резида, 10 кл

Форум 17-23 июнь вакыт аралыгында, тарихи Болгар музей-тыюлыгында, палаткалы лагерь тибында үткәрелде. Лагерьның программасы татар мәдәниятын, телен үзләштерүгә, татар телен тормыш-көнкүрешнең төрле өлкәләрендә уңышлы файдалануны өйрәтүгә юнәлдерелгән. Мәктәп укучылары өчен каралган әлеге форум балаларга өстәмә белем бирү, аларны шәхес буларак үстерү һәм, әлбәттә, ял иттерүне төп максат итеп куя. Смена дәвамында катнашучылар татар телен камилләштерделәр, тирәнрәк өйрәнделәр, тәрҗемә эшенең серләренә төшенергә теләүчеләр өчен махсус дәресләрдә булдылар. Лицей-интернат укучыларына бу чаралар бик ошаган, алар төрле чараларда бик теләп катнашканнар, Татарстан Республикасының мәгариф һәм фән министрлыгы дипломнары белән бүләкләнгәннәр.