Салкын кыш үтеп, яз җиткәч, Буа шәһәре лицей-интернат укучылары Габдулла Тукайның тууына 130еллыгын  билгеләп үтте. 20 нче апрель көнне “Бердәм дәрес” кыйсаларында Габдулла Тукайга багышланган ачык дәресләр, сыйныфтан тыш чаралар булды. Укучылар шагыйрь тормыш юлына багышланган презентацияләр карадылар, шигырьләрен сөйләделәр. Соңыннан шундый нәтиҗә ясадылар: Габдулла Тукай – татар әдәбияты күгендә янган йолдызларның иң зурысы. Еллар узган саен бу исем ешрак телгә алына.  Татар халкының даһи улына якты дөньяда озак яшәү насыйп булмый. Әмма ул башкарган эшләр гасырларга тиң. Димәк, Тукай яши, Тукай – үлемсез.