7 нче декабрь көнне Ташкичү төп гомуми белем мәктәбендә татар теле һәм әдәбияты укытучыларының “Федераль белем бирү программаларын гамәлгә ашыру шартларында мәктәптә туган телләрне укыту” темасына район семинары үткәрелде.
Мәктәп директоры Владимиров В.В. укытучыларны Ташкичү мәктәбенең тарихы, укытучылар коллективы һәм мәктәпнең төп юнәлешләре белән таныштырды.
Семинар кысаларында татар теле һәм әдәбияты укытучылары Хайруллина А.Х. 6 нчы сыйныфта “Антоним сүзләр”, Тижанкина Л.Ф. 8 нче сыйныфта “Сыйфат фигыль һәм аның җөмләдә кулланылышы” темаларына дәрес күрсәттеләр. Укучылар дәрестән тыш чарада аулак өй күренешен күрсәттеләр.
Аннан соң, тәҗрибә уртаклашу кысаларында, М.М. Вахитов исемендәге гимназиянең туган татар теле укытучысы Залялова Л.Г. “Төп дәүләт имтиханы: проблемалар һәм аларның чишү юллары” темасына чыгыш ясады. Буа районы мәгариф идарәсе методисты Салахова Л.Т. семинарга югары бәя бирде һәм милли мәгариф өлкәсендә булган яңалыклар турындагы чыгышы белән тәмамлады.