Каникул вакытында укучылар мәктәптә үткәрелгән баскетбол, волейбол ярышларында бик теләп катнаштылар.

Бүген безнең мәктәбебездә, укучыларның яратып көтеп ала торган, Яңа ел бәйрәме булып узды. Төрле әкият геройлары булып киенгән укучылар рәхәтләнеп күңел ачтылар: җырладылар, биеделәр, шигырь сөйләделәр, Кыш бабайдан күчтәнәчләр алдылар, ярышып кызыклы уеннар уйнадылар. Бәйрәмне оештыруда ярдәм итүләре өчен филиал №2 "Ак Барс Буинск" директоры Альфак Дамировичка бик зур рәхмәтебезне белдерәбез!

Мәктәбебезне тагын да ямьләндереп, кардан фигуралар ясадык.

4 декабря учащиеся нашей школы отпраздновали День информатики. К этому дню в школе была приурочена и проведена акция «Час кода в России».

"IТ-чемпион-2015" республика бәйгесенең 2 нче этабы тәмамланды. Бу бәйгедә укучылар, укытучылар, ата-аналар да бик актив катнаштылар. Нәтиҗәсе дә күзгә күренә: мәктәп район буенча беренче урында, Хисамутдинова Адилә 2 урында.

4 декабрь көнне башлангыч сыйныф укучылары арасында «Грамотность на кончике пера» бәйгесенең куст туры булып узды. Әлеге бәйгедә безнең башлангыч сыйныф укучылары Хайруллин Фаил, низамова Камилә бик уңышлы чыгыш ясадылар. Алдагы бәйгеләрдә дә уңышлар теләп калабыз.

Районның балалар оешмасы эшчәнлеге планы нигезендә уздырылган актив утырышында 6нчы сыйныфтан Валеева Рания катнашты. Көн тәртибендә укучылар үзидарәсе планы үтәлешен барлау, икенче ярты еллыкка эшне дөрес һәм мавыктыргыч итеп оештыру.

Яңа ел һәрвакыт шатлык, бәхет, яңа өметләр китерә торган бик күңелле бәйрәм. Шуңа күрә укучылар  да бик теләп әзерләнәләр.

Мәктәптә "Без коррупциягә каршы" дигән темага рәсемнәр конкурсы дәвам итә.

Хайруллин Фаил "Ел укучысы 2015" конкурсында катнашып, 3 урын яулады. 

Аны чын күңелдән котлыйбыз, алдагы ярышларда да уңышлар телибез! Укытучысы Шарапова С.М.