Бүген герой-шагыйрь Муса Җәлилнең тууына 110 ел. Шул уңайдан Хайруллина Алсу Хәйдар кызы башлангыч һәм 6нчы сыйныф укучысы белән берлектә әдәби-музыкаль кичә үткәрделәр. Укучылар шагыйрьнең тормыш юлын искә төшерделәр, матур итеп шигырьләрен сөйләделәр.

Классларда "Әфганстан - йөрәк ярасы" дигән класс сәгатьләре узды.

Башлангыч сыйныф укучылары белән спорт һәм патриотик тәрбия айлыгы кысаларында саф һавада уеннар оештырдык.

9 февраль көнне Иннополис шәһәренең университетында «IТ-чемпион» конкурсында 2015 елда катнашып, җиңүгә ирешкән укучыларны бүләкләделәр.

Бу конкурста безнең мәктәп укучысы Хисамутдинова Адилә  2нче  урын яулады.

“Иң актив мәктәп” номинациясендә республика мәктәпләренең 96%ы катнашкан. Бу номинациядә урын чыгарганда, һәр мәктәпнең укучылары туплаган баллар саны, шушы мәктәптә укучы балалар санына бүленде һәм һәр районда бер актив мәктәп билгеләнде. Безнең районда җиңүче дип безнең мәктәп табылды һәм плазматик телевизор белән бүләкләнде.

Безнең мәктәпнең татар теле һәм әдәбияты укытучысы Тижанкина Лилия Фагзат кызы "Ел укытучысы-2016" конкурсында катнашты.

Мәктәптә спорт һәм патриотик тәрбия айлыгы кысаларында 7-9 сыйныф  укучылары арасында  волейбол буенча ярыш булып узды.