19ынчы май көнне В.И.Ленин исемендәге Бөтендөнья пионерлар туган көне. Шул уңайдан безнең мәктәптә сыйныф сәгатьләре узды.

Ике елдан бирле безнең укытучыларыбыз һәм укучыларыбыз "Үлемсез полк" акциясендә катнашалар. Бу  чарада барлыгы 46 кеше катнашты.

Ташкичү авылында бүген Бөек Ватан сугышы тәмамлануга багышланган чара үткәрелде. Анда авыл халкы, мәктәп укучылары җыйналды. Укучылар Җиңү көненә багышланган шигырьләр, җырлар башкардылар, кунакларның чыгышларын тыңладылар. 

Бүген укытучылар һәм укучылар бергә мәктәп бакчасына кишер һәм суган утырттылар. Бергә эшләү бик күңелле булды.

Мәктәптә Бөек Җиңүнең 72 еллыгын каршылау буенча эш оештырылды. Укучылар ялгыз яшәүче сугыш чоры балаларына шефлык эше оештырды. “Яшь Армия” отряды Бөек Ватан сугышында һәлак булганнар истәлегенә куелган һәйкәлне чистарттылар. Классларда шушы темага багышланган класс сәгатьләре,әңгәмәләр узды. “Үлемсез полк” акциясе буенча да әзерлек эше алып барыла.