Конкурста 1 урынны - 11 сыйныф укучысы Садыков Сәйдәш;

2 урынны - 11 сыйныф укучысы Низамов Илназ;

3 урынны - 8 сыйныф укучысы Азмуханов Салават, 9 сыйныф укучысы Ибятов Муса яулады!

Әфәрин, егетләр, булдырдыгыз!

Бүген безнең мәктәптә Туган тел көне уңаеннан зур бәйрәм үткәрелде. Бәйрәмдә 5-8 сыйныф укучылары катнашты. Алар шагыйрьләребезнең туган тел турында язган шигырьләрен бик сәнгатьле итеп сөйләделәр. Бәйрәм халкыбызның гимнына әверелгән "Туган тел" җыры белән тәмамланды.

Әлеге бәйрәмне оештыручы татар теле һәм әдәбияты укытучысы Хәйруллина Алсу Хәйдәр кызына үзебезнең рәхмәтләребезне белдерәбез.

Бүген Наратбаш мәктәбендә бертуган Галиуллиннар призына милли көрәш узды. Монда безнең укучыларыбыз Садыков Тимур 32 кг авырлыкта  1 урынга, Азмуханов Салават 55 кг авырлыкта 3 урынга лаек булдылар.

Егетләр, Сезне бу җиңүегез белән чын күңелдән котлыйбыз! Сезгә алдагы ярышларда да уңышлар телибез.

Җитәкчеләре: Арифуллин Р.Х. 

Бүген безнең мәктәп укучылары ДЮСШ "Батыр" беренчелегенә үткәрелгән волейбол ярышларында катнаштылар.

Бүген безнең мәктәптә физик тәрбия укытучылары Арифуллин Р.Х., Залалова Э.А. 2 команда арасында КВН уздырды. Монда укучыларның "Универсиада" һәм "Олимпия уеннары" турында белемнәре тикшерелде. Командалар уенга әзер иде, КВН дуслык җиңүе белән тәмамланды!

15 февраль көнне  герой-патриот шагыйрь Муса Җәлилнең туган көненә багышланган кичә узды (җаваплы укытучылар: Зинятуллова Г.А., Хайруллина А.Х.). Бәйрәмдә 5-8 сыйныф укучылары катнашты.