Бүген бездә зур бәйрәм. Чөнки без бу уку елын матур мәктәптә башлыйбыз. Күңелләрдә сөенеч, йөзләрдә шатлыклы елмаю балкый. Хөрмәтле җитәкчеләребез, төзүчеләр! Без сезгә чиксез рәхмәтлебез. Бүген бездән дә бәхетле кеше юк. Кыска гына вакыт эчендә шушындый яңартылган,  матур бина белән безне сөендердегез. Бу безнең өчен зур бүләк. Матур мәктәптә яңа уку елы һәркемгә шатлык-сөенечләр, бары тик яхшы билгеләр, яңа уңышлар алып килсен. Бу шатлыклы вакыйганы, мөгаен, балалардан да түземсезләнеп көткән кеше юктыр.