Бүген башлангыч сыйныфта Мәдәни дәрес үтте.Дәрескә мәдәният йорты хезмәткәрләре, авыл һәм мәктәп китапханәчесе чакырулы иде. Укучыларга мәдәни көндәлекләр тапшырылды.

Беренче сыйныф укучылары мәктәп китапханәсе белән таныштылар.

Казан ханлыгы мөстәкыйль дәүләт буларак яшәүдән 1552 елда туктый. Олы каза килгәндә Казан халкы азан тавышы белән соңгы яуга күтәрелә. Шул мәшхәрәләрдән соң 463 ел вакыт үтеп киткән.Әлеге вакыйгаларны искә алып халкыбыз Хәтер көнен билгеләп үтә.Бу көнне милләттәшләребез митинглар үткәрә, мәчетләрдә намаз укый, һәлак булганнар рухына сәдака бирә, дога кыла.

Җиләк-җимеш агачлары мул уңыш бирде быел. Миләш агачлары да кып-кызыл тәлгәшләр эленгән ботакларын күтәрә алмыйча утыралар. Миләшнең күп булуын бик суык кыш килүенә юрыйлар. Экология үзгәрү сәбәпле, халык сынамышлары хәзер дөреслеккә туры килеп бетми. Кышның нинди булуын вакыт күрсәтер. Ә инде миләшне, әче булса да ярата безнең халык.

Әче булса да гашыйк мин

Миләш белән баланга,

дип юкка гына җырламыйлар. Файдасы күп бит аның. Электән үк какларын койганнар, кайнатмалар әзерләгәннәр, шул көе дә кыш буе әйбәт саклана ул. Мунчада ис тисә, миләш ашарга кушканнар.  Сабыйларны күз тиюдән саклау өчен киемнәренә шушы агач ботагының кечкенә кисемтәсен  тегеп кую йоласы әле дә онытылмаган.

Бүген тантаналы зур бәйрәм! Бүген бер генә кеше дә яраткан укытучыларын искә алмыйча калмый. Безнең өчен иң талантла, акыллы, матур кешеләр – яраткан укытучыларыбыз.Барлык укчылар исеменнән сезгә олы рәхмәтебезне белдерәбез.

Без беләбез сезгә җиңел түгел.

Күпме язмыш сезнең кулларда.

Ләкин ышан һәрчак без булырбыз,

Сез күрсәткән тугры юлларда.

Бәйрәмегез белән сезне!

Бүген бәйрәм уңаеннан район мәдәният йортында укытучылар өчен концерт оештырылды. Бәйрәмдә күп укытучыларга грамоталар тапшырылды.Безнең  мәктәпнең рус теле һәм әдәбияты укытучысы да район администрациясенең почет грамотасы белән бүләкләнде. Котлыйбыз!

В этот день МБОУ «Энтуганская СОШ Буинского муниципального района РТ»  пришли сотрудники МЧС, которые рассказали учащимся о том, что такое гражданская оборона, каковы ее цели и задачи, как они решаются в современных условиях.

Такие показательные занятия проводятся с целью популяризации профессии пожарных и спасателей, а также для того, чтобы в случае возникновения ЧС ребята знали, как себя вести и обезопасить свою жизнь и жизнь своих близких. Раздавали детям памятки о требованиях пожарной безопасности жилого фонда, брошюры « Правила безопасности для детей и подростков».