Чирек йомгаклары буенча чираттагы педагогик киңәшмә  узды. Киңәшмәдә һәр сыйныф җитәкчесе чирек йомгаклары  белән таныштырды. Укыту эшләре буенча директор урынбасары Замдиханова Р.М. гомумиләштереп мәктәп буенча белем сыйфаты, контроль эшләрнең нәтиҗәләре белән таныштырды. Киләсе чиректә планлаштырылган  эшләргә тукталып үтте. Тәрбия эшләре буенча директор урынбасары Хасанова Г.А. ның отчеты тыңланылды. Язгы бакча эшләре буенча  Шайдуллова Т.Р. чыгыш ясады.

Буа районы мәдрәсәсе тарафыннан "Яшь талантлар" бәйгесе игълан ителде.Бәйгедә укучылар үзләрен төрле яктан сынап карадылар. Рәсемнәр конкурсыда 6 укучы, шигырь  бәйгесендә 2 укучы һәм җыр бәйгесендә 1 укучы катнашты. Укучылар барысы да сертификатлар белән бүләкләнде.

Яңа Чәчкаб урта гомуми белем мәктәбендә, шагыйрь  Әхмәт Рәшитнең  80 яшьлек юбилеена багышланган "Кояшлы ил" 1 республикакүләм   фәнни- гамәли конференциядә 6 нчы сыйныф укучысы Арифуллина Н.Р. катнашты һәм 3 нче урынга лаек булды. Җитәкчесе Даутова Р.М.

Укучыларыбыз 24 нче март көнне, район мәдәният йортына Минзәлә татар дәүләт драма театры артистлары тарафыннан куелган "Йолдыз малай" дигән театр карарга бардылар.

Нәүрүз бәйрәменә багышлап, татар теле һәм әдәбияты укытучысы Фәхретдинова Л.К., мәктәптә "Нәүрүз чибәре-2016" бәйгесе үткәрде. Бәйгедә мәктәпнең иң уңган, иң булдыклы, иң чибәр кызлары катнашты.Алар төрле бәйгеләрдә үзләрен сынап карадылар, нәтиҗәдә "Нәүрүз чибәре 2016" исеменә 7 нче сыйныф укучысы Миначова Р.Р. лаек булды.

Хөрмәтле укытучылар һәм укучылар!  Сезне барыгызны да Нәүрүз бәйрәме белән котлыйбыз! Язгы гөрләвекләр сезгә эшегездә, укуыгызда бәхет-куанычлар, саулык-сәламәтлек. шатлыклы көннәр алып килсен! Язгы Яңа ел котлы булсын!

Ач ишегең керәбез,

Нәүрүз өйтә киләбез,

Хәер-дога кылабыз,

Нәүрүз мөбәрәкбад!

2 марта  2016 г. в МБУ ДО «ЦВР г. Буинска РТ» состоялось подведение итогов районной экологической акции «Покормите птиц зимой». Из нашей школы ученица 3 класса Валеева К.Ф. стала победителем  в номинации «Кормушка-завидушка», ученик 4 класса Хасанов Р.И. занял 3 место в номинации «Птичья столовая».

Бүген 5-11 нче сыйныф укучылары арасында  "Тамчы шоу" уены үткәрелде. Уенда ике команда үзара көч сынашты. Нәтиҗәдә "Канатлы Ак Барс" командасы җиңү яулады.

Татар теле һәм әдәбияты атналыгы кысаларында 9 нчы сыйныф укучылары белән "Телен белгән ил ачар" дигән темага грамматика бәйрәме үтте.