26 апрель - бөек шагыйрь Г.Тукайның туган көне, ә апрель - шигърият ае. Шуңа бәйле рәвештә, безнең бакчада төрле чаралар оештырылды.Атналыкка нәтиҗә итеп, "Туган телем  - Тукай теле" дип аталган мавыктыргыч бәйрәм оештырдык. Чараны   педагоглар "Туган тел"    җырын өч телдә башкарып ачып җибәрделәр.  Бәйрәмгә  Г.Тукай шигырьләреннән геройлар килде. Беренче кунаклар Кәҗә һәм Сарык  булды.  Алар буш кул белән түгел, ә Тукай китаплары тутырылган капчык асып килгән иделәр.Капчыктан чыккан китаплардагы әкият  геройлары үзләре дә  пәйда булдылар.  Шулай итеп, озын чәчле Су Анасы  кешеләрне яратучы - Шүрәле дә бәйрәмебезнең кунакларына әверелделәр .Алар төрле уеннар оештырдылар, шулай ук белемнәрен дә тикшерегә вакыт таптылар. Ә балалар ,үз чиратларында , Тукайның түбәндәге шигырьләрен укыдылар.
Без Тукайның оныклары! Аның иҗатын беркайчан да онытмаска тиешбез!