Кыска гына гомер яшәп тә, үзләре артыннан гаҗәеп бай мирас калдырган шәхесләр була. Шундыйларның берсе - дөнья әдәбияты күгендә йолдыз булып балкыган шагыйрь - Муса Җәлил.                                                              
Бүген,15 февраль көнне, безнең балалар бакчасында шагыйрь Муса Җәлилнең туган көненә багышланган «Муса абый – балаларның якын дусты» исемле  әдәби-музыкаль кичә узды.
Кичәдә яраткан шагыйребезгә хөрмәт йөзеннән аның шигырьләрен, әсәрләрен искә төшереп, сәнгатьле итеп башкардык, кызыклы итеп сәхнәләштердек. Мәсәлән, мәктәпкә әзерлек төркем балалары “Карак песи” шигырен, тәрбияче апаларыбыз дуслык турында  “Себерке әкиятен” күрсәттеләр.
Муса Җәлилнең шигыренә язылган “Сәгать” җыры белән кичәбезне тәмамладык.
Бәйрәм бик күңелле һәм эчтәлекле үтте. Без Туган халкы көрәшче улын беркайчан да онытмабыз. Муса Җәлил әсәрләрендәге геройлар кебек илгә, халыкка турылыклы, намуслы, дус, бердәм булырга тырышырбыз.Герой - шагыйребезгә булган мәхәббәтебез сүнмәс, аның якты истәлеге күңелләребездә мәңге сакланыр.