Татар телен, туган телне өйрәнү дәресләрендә, уенлы режим вакытында, белем һәм тәрбия бирүдә дидактик уеннар куллануның әһәмияте бик зур. «Татарча сөйләшәбез» дигән УМК нигезендә төзелгән дидактик уеннар җыелмасы балаларга ике дәүләт телен үзләштерүдә нәтиҗәле чара булып тора. Бу уеннарны укыту эшчәнлектә өйрәнелгән материалны үзләштерү, кабатлау һәм ныгыту максатыннан кулланырга була. Уеннар балаларда кызыксыну уята, игътибарларын җәлеп итә. Проблемалы мәсьәләләрне чишү балалар өчен максат  булып тора, аларны мөстәкыйль булырга өйрәтә. Уеннар белән төркем тәрбиячеләре дә, әти – әниләр дә файдалана алалар, чөнки биремнәр ике телдә тәкъдим ителә.