Туган телне, дәүләт телләрен белү - баланы рухи яктан ныклы, белемле, бай күңелле, горур, киләчәктә төпле фикерле шәхес итеп тәрбияли. Ә тел, белгәнебезчә, кызык һәм дөрес оештырылган уен вакытында аеруча җиңел үзләштерелә.  Шул максатларны истә тотып, республикабызда яңа "Гөл кадерен былбыл белер"  исемле әсбап эшләнелгән. Әлеге хезмәт балага халкыбызның гореф-гадәтләренә, табигатенә хас сыйфатларын, үзенчәлекләрен күрсәтү, сөйләмнең камил үрнәген бирүгә корылган. 

Бүген, 2020 елның 29 июнендә, Буа шәһәрендә урнашкан "Теремок" балалар бакчасының уртанчылар төркемендә тәрбияләнүче балалар янына әлеге хезмәт геройлары - ГОМӘР БЕЛӘН ГӨЛБИКӘ килде. Алар балалар белән рәхәтләнеп саф татар телендә аралаштылар. Кунаклар балаларны үзләренең матур татар халык киемнәре белән таныштырып үткәннән соң, "Татарча домино","Түбәтәй" уеннары уйнадылар. Очрашу ахырында бергәләшеп "Туган тел" җырын  башкардылар. 

Балаларга яңа дуслары белән бик күңелле булды. Алар саубуллашып,киләчәктә тагын очрашуларына ышандырып киттеләр