Бүген, 25 октябрь көнне, “Әкият” балалар бакчасында рус телле тәрбиячеләрнең  “Мин татарча сөйләшәм һәм эшлим - 2019” дигән республика һөнәри осталык конкурсының куст этабы үтте. Бәйгедә Чурак  ”Салават күпере”  балалар бакчасы тәрбиячесе Васильева В.В., «Әкият» балалар бакчасыннан Иванова С.А. һәм Фролова мәктәпкәчә белем бирү учреждениесеннән Авдонина Г.И. катнашты. Бу чараның төп максаты һәм бурычлары – мәктәпкәчә белем бирү системасында эшләүче педагогларның иҗади инициативасын үстерү, рус телле тәрбиячеләрнең татар телендә эшләү осталыкларын, күнекмәләрен ачыклау. Бәйгедә катнашучылар үзләре белән таныштырдылар, рус сүзләрен татар теленә тәрҗемә иттеләр, балаларга яңа уен өйрәтеп, иҗади осталыкларын күрсәттеләр. Жюри нәтиҗәләре буенча 1 урынны Васильева В.В. яулады. Җиңүчегә зур уңышлар телибез.