Габдулла Тукайның әсәрләре туган якка, аның табигатенә мәхәббәт уята, иҗаты туган йортыңа, туган җиреңә игътибарлы сакчыл караш тәрбияли, башлаган эшне азакка чаклы җиткерергә теләк, түземлелек үстерә һәм эстетик тәрбия бирә. Габдулла Тукайның шигырьләре һәм әкиятләре аркылы бала әйләнә - тирә моһит белән таныша. Бүген “Әкият” балалар бакчасында татар халык шагыйре Габдулла Тукай иҗатына багышланган чара узды. Балаларда Тукайның иҗатына кызыксыну һәм  игътибар хисләре артты. Нәниләр шагыйрьнең шигырьләрен яттан сөйләп, әсәрләрен сәхнәләштерделәр. Әкият геройлары “Су анасы” һәм “Шүрәле” белән уеннар уйнап күңел ачтылар. Чарабыз Г.Тукай  сүзләренә халык иҗат иткән “Туган тел” җыры белән тәмамланды.