Татарстан Республикасы мәгариф һәм фән министрлыгының 2023-2024 уку елына планы нигезендә сәләтле балаларны барлау, үз гаиләләренең тарихын, күренекле шәхесләрнең иҗатын өйрәнү белән кызыксындыру максатыннан гомуми белем бирү оешмалары укучылары өчен «Шәҗәрәләр – нәсел агачы» төбәкара фәнни-гамәли конференциясе үткәрелде. Конфереция  Казан шәһәре Совет муниципаль районының М.И.Мәхмүтов исемендәге 184 нче гимназиясендә үтте. Конференциянең 1 этабы нәтиҗәләреннән чыгып, 2023 елның 23 ноябрендә узган йомгаклау этабына 150 эш сайлап алынган иде. Алар арасында безнең мәктәпнең 9 нчы сыйныф укучысы Гобәйдуллин Искәндәрнең дә эше бар иде. Ул “Нәселемдә- бөек шәхес” номинациясендә “Халкыбызның гаҗәеп зур сәләткә ия булган улы. (Борһан Шаһиди турында фәнни-эзләнү эше)” темасына чыгыш ясады һәм призёр Дипломына ия булды. Җитәкчесе-татар теле һәм әдәбияты укытучысы Гобәйдуллина И.И. Зур уңышлары белән котлыйбыз!