Татар халкының, борынгыдан килгән, бик матур йолаларының берсе- Каз өмәсе. Бүген без, мәктәп укучылары һәм укытучылар, Әхмәтова Роза апаларга Каз өмәсенә җыелдык. Авыл халкы элек-электән күп көч сорый торган эшләрне ирекле рәвештә җыелышып, күмәкләшеп башкарган. Күп каз асраган гаиләләрдә каз өмәсен оештыруны тормыш үзе таләп иткән. Өмәдә барыннан да элек кызларның уңганлыгы сыналган. Булачак кайнаналар үзләренә ошаган кызларны шунда билгеләп куйганнар. Борынгы әби-бабаларыбыз казларны бик яратканнар. Күргәнебезчә, каз өмәсе авыл тормышының бер бизәге. Бу гадәтебез белән яшь буынны таныштыру максатыннан оештырылган чара барлык катнашучыларга да бик хуш килде.