Бу хакта Татарстан Президенты Рөстәм Миңнеханов республиканың эчке һәм тышкы хәле турында Дәүләт Советына еллык Юлламасында хәбәр итте. Безнең мәктәптә дә туган телләрне саклау һәм бердәмлек елында максатчан эш алып барылачак. Күпмилләтле халкыбызның телен һәм мәдәниятен саклау– төп бурычыбыз. Без гасырлардан килүче кыйммәтләрне дәвам итәргә тиеш. Үзебезнең быелгы бөтен эшчәнлегебезне телләрне өйрәтү, рухи мирасны популярлаштыру, балаларда милли үзаңны тәрбияләү, милли үзенчәлекләрне саклап калу кебек максатларны исәпкә алып башкарачакбыз.

21 нче гыйнвар көнне мәктәбебездә “Туган телләр һәм халыклар бердәмлеге” елын ачып җибәрдек. Сыйныф сәгатьләре һәм укучылар ярдәмендә чыгышлар оештырылды. Алдагы эш планы белән таныштык, балаларны да актив катнашырга өндәдек.