евраль ае – халкыбызга Җәлилне биргән ай. Шуңа күрә, февраль – Җәлил ае һәм җәлилчеләр ае. “Дөньяда шундый итеп яшәргә кирәк: үлгәннән соң да үлмәслек булсын, яшәүнең бөтен максаты да шунда түгелмени”,- дип язган була Муса Җәлил. 15 февраль көнне, танылган шагыйрь һәм герой иҗатына багышланган “Муса Җәлил – каһарман шагыйрь” дәресләр циклы башланып китте. Бу чара укучыларда М.Җәлил иҗатына һәм шәхесенә карата ихтирам, милли үзаң, горурлык хисе тәрбияләү өчен оештырылды. Туган  якны өйрәнү түгәрәге җитәкчесе, Кашапова Сәбилә Сәгыйдулла кызы, 4-6 сыйныф укучыларын патриот шагыйрь, татар халкының сөекле улы М.Җәлилнең биографиясе белән таныштырды. Шулай ук балалар өчен язган кызыклы, мавыктыргыч шигырьләре, ямьле, матур табигать күренешләрен тасвирлаган һәм дәһшәтле сугышны җиңүгә рухландырган шигырьләрен укыды. Туган тел укытучылары Зарипова З.А., Пушкарная Г.Р. , Вафина Г.Н. һәм Шагадатова Р.Н. шулай ук класс сәгатьләре, иҗади тәнәфесләр һәм викториналар уздырдылар.